http://www.dailymotion.com/videoxeoc80Gecə güclü küləyin təsirindən şappıldayan bayrağın səsinə bir neçə dəfə oyanıb baxdım bayrağa. Yaxşı görünürdü Bakı küləyində dalğalanan bayraq.
Hələ bayraq rəsmi olaraq ucaldılmazdan əvvəl dəfələrlə məşq prosesinə baxmışdım və fikirləşirdim ki, görəsən bu böyüklükdə bayrağı Bakının küləyində saxlayacaq dirəyin mühəndislik işi hansı səviyyədədir. davamı…
Bir tələbə yoldaşım vardı, bizim 16 yaşımız olanda onun 26 yaşı vardı,
Laçın qaçqınıydı, çirkindi, çox və pis danışırdı, iy verirdi, heç kəs onu sevmirdi.
Şeir yazırdı, dərsdə müəllimlərə oxuyurdu bunun üçün ən uyğunsuz vaxtda:
“Papaq kişi kişi papaq
kişilərin işi papaq..” – belə şeirlər idi.
Gülürdük, o dərsə gəlməyəndə yerinə oturana da gülürdük…
Ancaq bir gün İsrail sərgisində bir şeir dedi, o şeirin bir misrası vardı, heç unuda bilmirəm:
“Mən xoşbəxt olacağam,
dünya ayaqlarımın altına səriləcək,
mən xoşbəxt olacağam”
Bu şeir bir başqasının olsaydı, apar tulla. Yalnız onun dilindən bu qədər təsirli səslənirdi, bəlkə o hamımızdan bədbəxt olduğu üçün, below zero olduğu üçün. davamı…
Bu gün texnikumlara qəbul idi, mən də bir qohumumu aparmışdım imtahana, Bakı Dövlət Universitetinin binasına düşmüşdü. Çoxlu (əllərimi yanlara doğru çox geniş açıram) atalar, analar, bibilər, xalalar durub uşaqlarını gözləyirdilər. Saat yarımdan sonra uşaqlar çıxanda ortalığa bir qaraçılıq düşdü. Bakının müxtəlif yerlərindən və rayonlardan gəlmiş kasıb-kusub geyimli arvadlar bir şivən qopartdılar, hamı qabbağa cumuşur ki, uşağını görüb əl eləsin. “Bəs hara çəkilim”, “cəhənnəmə”, “məni də itələyirlər, neyniyim”, “neynəsən, get başıvı vur duvara” sözləri havada uçuşurdu. Aristokratların keçmişdə dediklərinə oxşasa da, həqiqətən savadsız, kasıb insan çox qorxulu imiş! Çox mədəni, intelligent bir adam, məsələn, Barak Obama, məsələn, Orxan Pamuk o kütlənin içində olsaydı, camaat bilsəydi də ki, bu adam yazıçıdı, bu adam mədəni bir siyasətçidi, vse rovno ona o basabasda mırıqdiş arvadlar deyərdilər: “it balası it, ağzıma girmə dəəə”.
Hər yeni texniki nailiyyət cəmiyyətin istifadəsinə veriləndə özülə birlikdə yeni etiket qaydalarını da gətirir. Məsələn, eskalator gəldi, onunla birlikdə qayda da gəldi; sağ tərəfdə dayanın və s. Əlbəttə, bu qaydanı eskalatoru icad və ya istehsal edənlər yaratmadılar, adamların bir-birini incitməmələri üçün riayət etməli olduqları etiket normalarını cəmiyyətə düşünüb təqdim edənlər var idi. İndi isə texniki nailiyyətlər camaatın ixtiyarına etiket normaları olmadan təqdim olunur və bir çox narahatlıqlar yaradır. “Böyüklərə hörmət et”, “qocanı yoldan keçirt”lə etiket qaydaları bitməyib, Etiket bir dəfə yaranan və həmişə o cür qalan deyil, inkişaf edən, yenilənən bir sahədir. Gəlin cəmiyyətə yeni bir qayda təklif eləyək: davamı…
“Ey insanlar!
Sözümü yaxşı dinləyin! Bilmirəm, bəlkə bu ildən sonra sizinlə burada bir daha görüşə bilməyəcəyəm.
Bu günlərimiz necə müqəddəs günlərdirsə, bu aylarımız necə müqəddəs aylardırsa, bu şəhərimiz Məkkə necə mübarək bir şəhərdirsə, canlarımız, mallarımız, namuslarımız da elə müqəddəsdir, canlarımıza, mallarımıza, namuslarımıza hər cür təcavüz haramdır…
Lütfən məndən sonra əvvəlki yaramaz hərəkətlərə dönməyin, bir-birinizi öldürməyin.
Kimdə bir əmanət varsa, onu tez öz sahibinə çatdırsın…
Nə zülm edin, nə də zülmə məruz qalın… davamı…
